Plantun de Prouvènço

Pèr coumpara dos planto d'encò nostre

Lunaria rediviva & Clinopodium nepeta subsp. sylvaticum

Desferro-miòu

Lunaria rediviva

Brassicaceae Cruciferae

Àutri noum : Erbo-de-la-routo, Desferro-mulet.

Noms en français : Lunaire vivace, Lunaire odorante.

Descripcioun :
Lou desferro-miòu es uno planto devengudo raro que trachis dins li bos fres e umido de basso mountagno. Li flour soun claro e embaumon. Se recounèis tambèn à si fueio que podon deveni esnormo e à si siliculo pu longo que li de la mounedo-dóu-Papo, mai coumuno e di flour pu acoulourido.

Usanço :
Coume pèr la mounedo-dóu-Papo, li jóuini brout soun manja en Bousnìo. Flour, fueio e fru soun tambèn manjadis mai pulèu amar (F. Couplan, op.cit. p. 316). Pamens l'acampas pas qu'es uno planto proutegido.

Port : Erbo
Taio : 40 à 120 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Lunaria
Famiho : Brassicaceae
Famiho classico : Cruciferae

Ordre : Brassicales

Coulour de la flour : Roso
Petalo : 4
Ø (o loungour) flour : 1,5 à 3 cm
Flourido : Printèms - Estiéu

Sòu : Ca
Autour basso e auto : 200 à 1600 m
Aparado : Vo
Mai à juilet

Liò : Bos fres - Gaudre
Estànci : Mountagnard
Couroulougi : Éurosiberiano
Ref. sc. : Lunaria rediviva L., 1753

Menugueto

Clinopodium nepeta subsp. sylvaticum

Lamiaceae Labiaceae

Àutri noum : Menugueto(-de-bos), Manugueto, Calament, Erbo-fino, Mentastre.

Noms en français : Calament des bois, Calament à feuilles de menthe.

Descripcioun :
Aquelo planto sèmblo forço à la menugueto que couneissèn tóuti. Trachis dins li bos, souto li chaine-blanc o blacas. Ei bèn pu grosso dins tóuti si partido ; mai grando, a de gròssi fueio e peréu li flour. Li fueio frisado dounon uno bono óudour de citroun.

Usanço :
Se pòu n'en faire de tisano qu'èi bono pèr l'estouma e d'un biais generau pèr li proublèmo de digestioun.

Port : Erbo
Taio : Pancaro entresigna
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Clinopodium
Famiho : Lamiaceae
Famiho classico : Labiaceae

Coulour de la flour : Roso
Petalo : irreguliero
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Garrigo - Colo - Roucaio
Estànci : Subremediterran à Mountagnard
Couroulougi : Pancaro entresigna
Ref. sc. : Clinopodium nepeta subsp. sylvaticum (Bromf.) B.Bock, 2012 (= Clinopodium menthifolium (Host) Stace, 1989 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

ges

Lunaria rediviva & Clinopodium nepeta subsp. sylvaticum

ges

Coumpara Desferro-miòu emé uno autro planto

Coumpara Menugueto emé uno autro planto